കുഞ്ഞിമംഗലം റോട്ടറി ക്ലബ്ബ് , റെഡ്സ്റ്റാർ കിഴക്കാനി എന്നിവ സംയുക്തമായി സൗജന്യ മെഡിക്കൽ ക്യാമ്പും ക്യാൻസർ ബോധവൽക്കരണ ക്ലാസ്സും സംഘടിപ്പിച്ചു. കുഞ്ഞിമംഗലം ഗവ.ഹയർസെക്കന്ററി സ്കൂളിൽ നടന്ന ക്യാമ്പ് ടി.വി.രാജേഷ് MLA ഉദ്ഘാടനം ചെയ്തു. ഡോ.സുനിൽകുമാർ യെമ്മൻ അദ്ധ്യക്ഷത വഹിച്ചു. ഡോ.വി.സി.രവീന്ദ്രൻ, ഡോ.ബി.വിനയകുമാർ, ഉപേന്ദ്ര ഷേണായ്, പി പി സത്യൻ, ദിനേശ് പാലക്കീൽ തുടങ്ങിയവർ ആശംസകൾ അർപ്പിച്ച് സംസാരിച്ചു.ഡോ.വി.സി.രവീന്ദ്രൻ ക്യാൻസർ ബോധവൽക്കരണ ക്ലാസ്സെടുത്തു. ഷിബു എം സ്വാഗതവും മനീഷ് നന്ദിയും പറഞ്ഞു. ക്യാമ്പിൽ പത്തോളം വിദഗ്ദ ഡോക്ടർമാർ ഇരുന്നൂറോളം രോഗികളെ പരിശോധിച്ചു.
